- Hong Kong,
前一晚唔瞓諗住係飛機到瞓餐飽.
係Check-in既時候聽到Economic好滿,第一個反應就係:有冇得用分黎Upgrade去商務客位呢?  我好幸運咁可以用分黎升左上去商務到坐, 而緊加幸運既就係唔知可能航空公司因某理由,竟然係冇扣到分. 即係免費升級上商務, 上左機食完第一餐飽既就一直瞓到落機, 好滿意~ 正!!!!!

- San Francisco
頭兩日因為時差問題, 嚴重失眠.就算食左安眠藥都要搞到3點幾先瞓到...... 幾晚都係得個幾個鐘瞓. 好辛苦. 加上原來另外個個同事係一百分之二百既新仔, 加7仔.... 令到我開始嘔血. 不過老細係到都冇出聲我依D做細既緊係乜都睇唔到, 由佢啦....

- Los Angeles
住係一個城叫做Lawndale<- 好鬼鐘意佢個名.
生意算係過得去, 老細突然提出要我去澳洲跑一轉...... 我個心即刻跌左落水. 仲要係冰水, 講真, 跑澳洲唔係問題, 不過我依家依間公司既貨真係唔多啱跑澳洲, 跟本係唔啱貨式. 比如話, 澳洲人一路都係用開 Agnes B. , 咁如果攞D L.V., B.V. 去賣, 唔係話冇生意, 不過一定唔會好好, 點知個個低能同事, 話係澳洲住左幾年就係咁話我地公司既貨可以係澳洲做到...... 個條友.... 我即刻唔知講乜好. 只好同老細講話, 盡力去跑. 成果唔可以包.

- Miami
連轉機坐左足足一日飛機先到Miami. 點知, 第一日食左白果, 不過叫做識左2個新客, 只好希望第二日會更好啦.

-Dallas
依一程好少少, 坐半日機就由Miami去到Dallas. 不過可能個人有少少攰, 同間酒店係係全程黎講最靚既, 所以個晚我係冇出到去食飯, 淨係求其食左少少Snack就瞓, 不過係個到2日淨係做左少少生意, 其中一日仲要食白果...... 不過老細好似冇乜野咁, 冇計啦, 佢話事. 乜都少理.

- New York
好QXYZ#@!?凍呀!!!! 係NY幾日佢仲要一日比一日凍, 最衰就係我出門前執左諗住要帶去保暖既野唔記得帶個頭勁凍, 耳仔係好似甩左出黎咁...... 生意方面就同預其差唔多, 叫做好少少咁啦. 同好好彩改到行程, 所以最後係早左2日番到香港.

-Hong Kong
番黎個程都係用分數upgrade左上去坐business不過唔知做乜......個位差唔多壞得既都壞...... 電視壞, 收音機壞, 張凳壞, 燈壞...... 嘔血*10 遲少少打去佢個到睇睇有冇得退番D分先得.
到香港搵左OKU,Geese食飯, 點知會見到千里&小馬..... 仲要跟住見到個唔想見既人, 不過佢好快就自行消失, 第二朝番工唔小心校錯左個鬧鐘, 搞到坐的士番工都遲左成半個鐘, 勁樣衰 :(

依個行程都可以話OK. 不過希望可以同其他同事夾得黎, 唔係飛起黎會冇咁開心.

只好放長雙眼睇啦