經典既例子由我同佢一出發離開香港開始。。。
－　佢可以張佢ｄ身份證，passport放哂係寄倉行李到！（心諗：佢想點呀？暈）
－　係香港海關唔知點解佢用唔到＜e-道＞咁冇問題，咪去人手過關。點知佢。。。　俾本passport個海關，唔係佢張身份證。。。　（心諗：蠢姐，唔係罪。可能佢好少離開香港。?低）
－　到左英國等緊行李個時我話去一去洗手間，佢一齊去咁冇問題啦。我出左黎等佢１０分鐘都未見唔人。心諗佢唔係開大呀嘛？入番去睇下佢做緊乜既時候發現。。。佢係到刷緊牙。。。而我差少少想叫佢去死係，佢竟然張佢個袋野就咁放係後面地下。諗番唔通佢後眼睇到野？？　（心諗：佢唔係唔記得佢黎係做乜呀嘛？嘔血）
－　跟住係機場轉場，因為我開始燥唔係咁想見到佢，同係機場入面都比較安全就叫佢可以自己行下，一陣上機等。到左上機時間唔見人，咁我開始急就係成個機場到搵佢。問過ｄ空姐話佢未登機。（我心諗：仆街頭唔係咁快可以番香港呀嘛？佢失蹤左？）攪左好耐差唔多半個鐘先知原來佢自己上左機先。。。唔知點解會冇佢登機記錄。。。上到機我差ｄ即場小佢，好在忍到。唔係樣衰個個係我自己　（爆血管）
－　到左Manchester諗住我點都要出張個電話號碼就出多個俾佢，咁唔駛下下漫遊咁貴，同估佢未必有漫遊。搵左號碼差唔多俾錢，問佢?佢個香港電話出黎換sim 既時候佢話佢連電話都留左係香港，因為佢諗住過到黎佢唔駛打電話。　（心諗：咁我點搵你呀？無奈）
－　因為唔記得帶個電話座。所以係車到搵唔到方法可以放好個導航，咁我問電話鋪有冇得?我電話用既款。期間佢竟然提議用膠紙。。。（心諗：有冇再樣衰ｄ呀？話哂係英國同我地租個架都叫做賓治仲有最重要既我係咖哩豬呀）
－　係 Manchester 做完野?車去 Birmingham 上車前睇過個導航話大約200公里。咁我?緊車睇唔到個導航就問佢仲有幾遠先到。佢我話俾我知仲有１ ２０。。。心諗唔係呀嘛？？　我係highway?住１３０咁?左大半個鐘都仲有１５０？？冇可能，再問。佢答：『係呀１５０ｋｍｈ呀嘛！』。。。　再問，再錯！！！（導航個畫面如下，睇下你要幾耐先搵到個目的到距離同會錯幾多次）答案係49km

－　咁我習慣出trip都會燒隻ｃｄ黎?車聽，點知隻ｃｄ燒得唔係咁好。今次燒得唔係咁好隻碟聽到１３首張始跳線，心諗攪攪佢啦。唔係聽唔到呀嘛？？過左５分鐘我頂唔住要叫佢先至攪下佢。不過就淨係停左隻碟。成架車靜哂～～～　（血呀～又一地血啦）
－　我出去外國見ｄ客人都會帶少少樣版出去俾ｄ客睇既基本上今次所有既版都係裝係３種唔同大細既袋，例如所有Ａ種類係放係黑色白邊，Ｂ種類就放係灰色，Ｃ種類就放係全黑色既細袋。咁正常黎講心諗如果對住依ｄ貨幾日當我問佢要?Ｃ種類出黎既時候。理論上係可以直接可以?個黑色細袋出黎，但係我高估左一個人既基本學習能力。佢到第８日！！！當我想要?Ｃ種類既時候佢係要?哂黑色袋出黎睇下係邊。（心諗：係咪我同佢講過所有灰色袋都係放Ｂ種類所以先冇?出呢？？？）
－　係第５日開始我?車去見客既時候佢竟然夠瞻坐係我隔離睇雜誌聽ipod，一於 『我有我自由駛理你感受』。佢個PK當我係師機呀？？佢黎幫手架喎！！個一刻唔係因為條例問題我真係想踢佢落車。叫佢即刻番香港。
－　因為佢唔識Ｄ客同佢本黎唔係SALES咁見客個時一定會係我同個客傾價同介紹，點知佢坐係隔離唔係唔講野。但佢係會好細聲，諵諵咁重複我或者個客??講過個句說話。（我知你有精神病，但唔刻你控制一下唔好嚇親我Ｄ客呀！！！）當我叫佢停口既時候佢仲要死口扮話冇。。。唔通我年紀大開始幻聽？？？
－　當我地去到會場既時候我好開心見到我另外二個同事，佢地見到我咁開心問我之前係咪好好生意，我直認生音唔掂好差既時候。佢地以為我傻左，生意差都可以笑得咁開心。。。過左２日佢地好明白點解個日我會咁開心架啦
－　金句：『敵不動，我不動。』＋　『最大既敵人係自己。』＝　唔會做野，除左叫佢去做先會去做。Set-up 既時候我同另外二個同事都忙到唔停手既時候。。。佢可以大安旨意咁企係到睇住我地忙。好！！！佢唔係唔想幫手架～　但係佢唔知有乜可以幫到手，而我地又冇叫佢呀嘛。　好合理架！！！
－　我係房睇睇下電視訓著左，佢係會好好心咁熄左聲，但係留番燈同電視著住等我可以睇架。。。我段數低解釋唔到佢既動機，邊位朋友估到講聲呀！
仲有好多好多講唔哂，成個行程我一路都只係唔停咁向自己講。算啦～佢黎都係則條問題。一定要２個人黎又得佢一個可以係依段時間出門，冇計啦聽天由命啦。。。。。。
希望以後唔駛再同依個廢柴有任可接觸。唔係我怕我會忍唔住落去買枝大啤番公司飲完黎爆佢樽。