尋日(4月9日)我收到我既另一份生日禮物, 係一隻成1米高既Garfield呀!!!!!!

仲要係我鐘意既隻眼半開半合個個衰樣!!!!

尋晚番到屋企第一時間幫佢影番2張沙龍

依隻野本黎係諗住放係架車既後坐到既,係年幾前搵極都搵唔到啱心水. 今日終於收到做生日禮物, 可惜係我依家車就冇左, 所以佢只好係我張床到坐住先啦!

不過Garfield可以放心一定會有機會俾架靚車你坐既, 等我呀!!!

今日唔知點解係腦入面唔停唔重覆住草蜢既又愛又恨.

睇番歌詞唔少既地方都幾中......

P.S. 不過其實係因為好耐冇寫野所以求其搵D野黎寫既成份居多

我今晚就又要上機去捉澳洲10日啦. 都係個句:"去到好悶, 但係唔去唔得."

今次依個行程既時間好攪笑. 係冇任何預計下....係我番黎香港既2日會係我公司既Annual Dinner 同我自己既生日Party

聽D朋友唔停咁話會到.只可以話這個生日會很醉

我諗都要破例食禁藥先得啦

今日公司開始搬office. 點知個個manager同突然同我地講. 搬傢私個d工人冇黎到, 要我地幫手, 起初以為係搬少少野, 點知開始搬既時候出事啦, 原來有十張大木枱, 3個高過我既書櫃...........仲有其他野, 最後搬到有幾個同事做到發哂火,咁佢地先至話再搵人搬咋...

我諗可能佢地本黎諗住屈d裝潢去搬d野, 點知人地唔肯所以叫我地做, 真係搵著我地黎攪.

不過點都好今日做左我半年既運動量, 睇黎依幾個月我可以安心咁去飛啦,

ps. 今晚去左個friend到打邊爐, 點知本黎話好多人點知少下一個病下又少減個, 得番少雞幾隻, 我地仲有幾枝酒架..... 睇下今晚點攪掂佢地啦......

yeah~~~~ 今日啱啱叫做度好條八串一, 我講緊既唔係賭錢. 而係我黎緊幾個月既大約行程.

我開始自己問自己係點番工架．第一日番工，都係ｄ同事叫我去食飯先知道原來我lunch time係１３：１５食到１４：１５．．．．．．

上星期５同星期６多野做要ＯＴ所以遲少少走，１９：３０ 先走人，仲諗住頭２日番工就要ＯＴ，點知今日同事同我講番原來我地唔係全公司都係同一個時間番工放工．

原來我係番１０：００放１９：３０架，我都係今日先知．．．．．． 

我諗我都係要專心少少Ｄ番工時間，唔好諗住知到番工時間就夠，其他就跟大隊先得．